Muzeylər və ekspozisiyalar

Qız Qalası  Bakının  tarixi tikililəri arasında  ən möhtəşəm  və əzəmətli  memarlıq abidələrindən biri sayılır. Qız Qalası 2000- ci ildə YUNESKO - nun  Ümumdünya İrs  siyahısına salınmışdır. Qız Qalasının  hündürlüyü şimal tərəfdə 28, cənub tərəfdə isə 31 metrdir. Divarlarının  qalınlığı bünövrə hissəsi 5 metr, yuxari qalxdıqca isə 4,5 metr  təşkil edir. Tikilinin görkəmi onunla təxminən eyni hündürlükdə olan  kontrforsla  tamamlanan silindrik  formaya uyğundur. Qalanın  səkkiz mərtəbəsi bir – birindən daş döşəmələrlə ayrılır. Onlar tikilinin  divarının  cənub – şərq hissəsində  qurulmuş  pilləkənlə birləşir. Yalnız  birinci və ikinci mərtəbələr arasında  əvvəllər pilləkən mövcud olmamışdır.

İçərişəhərin Qərb qapısından daxil olan kimi Şirvanşahlar Sarayı minarə və günbəzlərinin əzəmətli ilə diqqətinizi çəkəcəkdir. Şirvan hökmdarlarının iqamətgahı olan  Şirvanşahlar Sarayı, qədim şəhərdə dominant rol oynayır.

Almaniyanın EKМ Global Consulting GmbH. şirkəti və mədəni irs üzrə startaper Səbinə Zülalovanın (sabinazulalova.com) birgə əməkdaşlığı ilə ilk dəfə olaraq Şirvanşahlar Sarayı Kompleksini «World Heritage 3D Scanning» proqramında təqdim edir.

1750-ci ildə Mirzə Məhəmməd xan tərəfindən inşa etdirilən Bakı Xan Sarayı Kompleksi xanlığın sonrakı hakimləri tərəfindən iqamətgah kimi istifadə edilmişdir.

“Qala” Dövlət Tarix- Etnoqrafiya qoruğu, Azərbaycan Respublikasının Nazirlər Kabinetinin 18 aprel 1988-ci il, 135 saylı qərarı ilə Qala qəsəbəsinin tarixi hissəsində yaradılmşdır

Qədim tariximizin mühüm bir qolunu təşkil edən dini sitayiş məbədləri  abidələr arasında  xüsusi yeri tutur. Bu da “İçərişəhərin”  timsalında özünü daha qabarıq şəkildə büruzə verə bilmişdir. 

Xalqın mənəvi mədəniyyətində mühüm rol oynayan dini etiqadlara və ayinlərə etina göstərərək məsciddə “Müqəddəs əmanətlər”  ekspozisiyası yaradılmışdır.

2016-cı ildə Qoşa qala qapıları yaxınlığında olan yeraltı hamamda arxeoloji qazıntı və təmizləmə işləri aparılmışdır. Yeraltı hamam, XVII əsrin əvvəllərinə aiddir.